كشف المطرب عمر كمال، تفاصيل جديدة عن حياته الفنية قائلا :" أنا السنة الحالية فى أحسن حالاتى وشغال كويس، عن السنة الماضية، وأنا ندمان على هذه الأيام ولا توجد أغنية عندى أتبرأ منها".
وتابع عمر كمال خلال حواره مع الإعلامية سالى عبد السلام، فى سهرة خاصة من مدينة العلمين الجديدة المذاعة على شاشة القناة الأولى، :"كنت فى فترة مش متزن نفسيا. وحدث مشاكل كثيرة وتم تحريف كلامى من إحدى المذيعات وتحدثت فى حرمة إنسانة"، مضيفا: "بروح لدكتور نفسى كل فترة عشان أحكى فى الحاجات اللى مضايقانى.. وخناقتى مع حمو بيكا مش بتحتاج دكتور نفساني".
وتابع :"أنا مش سنيد ولا يوجد مطرب شعبى لا يحبني"، مضيفا : "مش عاوز أخلف لو اتجوزت عشان ممكن أنفصل لأن الزواج مسئولية كبيرة قوى، ومش هعرف أربى.. وممكن انفصل عشان إنسان مزاجى قوى".
وعلق المطرب عمر كمال على أغانى المهرجانات قائلا : "هناك كلمات فى المهرجانات كويسة ومش كويسة"، مضيفا :"أنا تعبت وقاعد 30 سنة بشتغل ودورى جالى وعمرى ما بصيت لحد خالص.. وكنت بركب الاتوبيس ورجلى على الطاير، وانا عمر اللى بيدخل أكبر فندق بغنى دلوقتى، واللى قلبه نضيف وامه بتدعى له ربنا بيكرمه".
