نيلي-كريم-شلل

كشفت النجمة نيللي كريم، عن إصابتها بـ شلل خلال كواليس تصوير مسلسل سقوط حر، والذي عرض في الموسم الرمضاني عام 2016 وحقق نجاح كبير.

وقالت نيللي كريم، على هامش الجلسة الحوارية التي أقامها مهرجان البحر الأحمر السينمائي: صورت مسلسل سقوط حر لمدة شهر داخل مصحة نفسية، وأثناء تصوير مشهد كان المفروض انطق فيه اسمي بعد فترة من عدم قدرتي على الكلام لإصابتي بشلل، لقيت نفسي اتشليت بجد، ومش قادرة اتكلم، وبدأت أعيط جامد.

 وتابعت نيللي: المخرج الماجري افتكر إني تقمصت وتوحدت مع الشخصية، مكنش يعرف أنا بمر بـ إيه، وبعدين قابلت المخرج عمرو سلامة بعد تصوير مسلسل سقوط حر في أحد المولات التجارية وقالي مالك قولتله مفيش، وبعد ما رجعت البيت بصيت على نفسي في المراية لقيتني شبه المدمنين.

وتطرقت نيللي كريم في حديثها، عن المخرج مروان حامد، قائلة: اشتغلت معاه في الفيل الأزرق الجزء الأول والثاني، مروان بيدور على الروايات والأفكار من خارج الصندوق، لذلك أنا بحب أعماله جدا، وهو حاليًا بيجهز للجزء الثالث من الفيلم.

كما تحدثت عن المخرجة كاملة أبو ذكري، قائلة: المخرجة كاملة أبو ذكري اشتغلت معاها أعمال كتير جدًا ومهمة في مسيرتي زي فيلم واحد صفر، ثم مسلسل سجن النساء، ومسلسل بـ 100 وش، وكاملة أبو ذكري علمتني يعني إيه سكريبت ويعني إيه مخرج يشتغل مع الكاتب عشان يطلع العمل بشكل مختلف، ويعني إيه مخرج يشتغل مع ممثل فيطلع بشكل رائع.