تحدثت الفنانة المصرية مي عمر ، عن رد فعلها بعد قيام الفنانة شيرين عبد الوهاب بالتدخل لإستبعادها من مسلسل طريقي.
وقالت مي خلال مقابلة تلفزيونية:
المخرج محمد شاكر خضير كلم محمد سامي، وقال له عندي دور حلو قوي لمي، هي بتمثل برّاك؟.
فرد بإن مفيش مشكلة عنده، لكن سأله: أنا عارف إنك بتعمل مسلسل شيرين، وأنا عندي مشاكل مع شيرين، هي عارفة إنك عاوز مي في دور؟
فرد المخرج : دي اختياراتي ومحدش بيتدخل فيها.
وأضافت: كلمت المخرج وقعدت معاه ومع تامر حبيب، وقالوا لي الدور مرسوم عليكي.
وتابعت: اتصلوا بيا عشان أروح تجربة اللبس قبل التصوير وإحنا راجعين في الطريق شاكر أو المنتج الفني كلمنا وقال لمحمد سامي:
هي المشاكل بينك وبين شيرين كبيرة قوي للدرجة دي؟ هي مش موافقة مي تبقى في المسلسل كان عندها مشاكل ساعتها مع محمد.
وعن رد فعلها أجابت : ما زعلتش على الدور، مع إني حبيته جدا، لأني بأحس إن ربنا بيقف معايا ويساعدني.
واختتمت : في الأول قلت أكيد الدور حيسقط لكن نجح جدا، فقلت أكيد ربنا شايل لي حاجة أحسن، وبعدها بسنة عملت الأسطورة.
