كشف الممثل المصري هاني سلامة سبب ابتعاده الفترة الماضية عن السينما، مشيرًا إلى أن فيلمه الأول هو "المصير"، الذي يعدّ أقرب الأعمال الفنية إلى قلبه، وذلك من خلال فيديو نشره عبر حسابه الرسمي بموقع التواصل الاجتماعي .
وقال هاني سلامة، خلال الفيديو ردًا على سؤال جمهور: "موضوع الأفلام والسينما لأنه سؤال اتكرر عليا كتير جداً، طبعا السينما هرجع وأقول زي ما قولت قبل كدا إنها بالنسبالي هي البريق الأهم والبريق الأجمل للشغلانة بشكل عام، وإن شاء الله ربنا يسهل في أفكار مختلفة كتير، مش بس رومانسية، لا فيه أنواع مختلفة كمان، شغال عليها وربنا يسهل إن شاء الله، وأعمل حاجة تعجبكم".
كما علق على سؤال أحد متابعيه عن إمكانية تقديمه فيلم من تمثيله وإخراجه وكتابته: "حد شايف إنه عايز يتفرج على عمل من كتاباتي وإخراجي، الموضوع طبعاً شوية صعب، لأن في النهاية بالنسبة للإخراج، فأنا مش دارسه ولازم أكون مارست دا قبل كدا كمساعد حتى بشكل أو بآخر ودا مش عندي، أما على مستوى الكتابة، فهي ليها موهبة معينة ومافيش حاجة قريبة بالشكل دا، ممكن في المستقبل يكون الشخص عنده شغف أكتر بالموضوع دا ويدرس سيناريو وإخراج، ولكني في النهاية مركز في إطاري كممثل".
