حَل الفنان أحمد عز ضيفًا في برنامج "بودكاست Big Time" الذي يقدمه عمرو أديب، أثار تفاعل الجمهور بتصريحات عن بداية حياته الفنية.
وتحدث الفنان “أحمد عز” عن بداية دخوله للفن، قائلاً:"أبويا كان شغال في البترول وكان متوقع إنني هشتغل زيه بس، أنا لما اتخرجت اشتغلت في الفنادق كموظف استقبال في فندق موفينبيك الهرم وبعدها في المبيعات ،وأنا عندي 25 سنة ومرتبي كان 7500 جنيه سنة 1995".
وأضاف الفنان عز كان يعمل موديل بجانب وظيفته الأساسية، وهي التى قادته للتمثيل : "إيناس الدغيدي اختارتني عشان مذكرات مراهقة ومكنتش أستحق البطولة خالص وقتها، فقلتلهم في الفندق عايز أجازة شهرين عشان أعمل الفيلم وأرجع، ومديرتي رفضت وقالت اختار بين الاتنين. رحت استقالت".
وكشف الفنان “أحمد عز” عن رفعل والده على تصرفه، قائلاً: "أبويا لما سمع الخبر ساب الأكل، وبعد "مذكرات مراهقة"، قعدت سنة ونص مبيجيليش شغل،حاولوا يخلونى أرجع الفندق وبابا عاقبني وأصدر أمر إن محدش في البيت يديني فلوس".
تحدث الفنان “أحمد عز” عن أكبر مخاوفه فى الحياة والذى تحول إلى“فوبيا”،قائلاً:"فوبيا المرض اللي عندي مش من لا شيء، لإن أمي الله يرحمها ماتت وقبل ما تموت كنت عارف هي عندها إيه وما قلتش لأبويا ولا إخواتي وده كان طلبها ، أنا كنت قريب منها جداً وكانت بتدوّر البيت عادي، وكانت بتاخد العلاج الكيماوي وبعدين ترجع البيت تطبخ وتأكّل وأنا الوحيد اللي عارف، أمي كانت جبّارة".
