خليل جمال

الصبر والسعي هما مفاتيج الفرج والنجاح , الكلام ده مش كلام كتب ولا بوست على سوشيال ميديا الكلام ده متجرب ونتيجتة مضمونة , انا خليل جمال مذيع راديو مصري لاكتر من 10 سنين ومع اني مذيع تليفزيون كمان الا ان الراديو ديما هو الحب الاول اللى مبقدرش ابعد عنه ولا عن أهله من الناس اللى بياخدوا من وقتهم عشان يسمعوك ويتكلموا معاك وهذا لو تعلمون له سحرا عظيما , ومع ان دراسة الحاسب الالى ملهاش علاقة بمجال شغلي الا ان الحلم الصغير اللى أمنت بيه من وانا طفل اتحقق واصبح حقيقة مع اول اتصال او رسالة وصلوا من حبايبنا "  المستمعين " , هنقضي مع بعض وقت اتمني يكون خفيف عليكم هتلاقوا كل اللى عارفينة بس محتاجين تتكلموا فيه او حتي اللى متعرفهوش هنعرفة سوا , المهم عندي انك تكون مبسوط , مرتاح , ورايق , ويا الف اهلاً وسهلاً .