حل الفنان كريم فهمي ضيف الإعلامية لميس الحديدي من خلال برنامجها "كلمة أخيرة" وخلال الحلقة كشف عن كواليس مشاركته في مسلسل "وتقابل حبيب" والذي عُرض خلال شهر رمضان 2025 مع النجمة ياسمين عبد العزيز، والذي كشف عن أبرز عيوبها ومميزاتها، كما أكد أصابتهما باضطراب فرط الحركة وتشتيت الأنتباه.
حيث قال فهمي: "ياسمين عبد العزيز كاريزما ماشية على الأرض، وأحنا علاقتنا غريبة على الرغم من أننا أصحاب جدًا بس طول الوقت ناقر ونقير، ودائماً خلافتنا بتكون خلافات أصدقاء، فأحيانا في التصوير بنبقى زعلانين من بعض وممكن نظل أسبوع كامل لا نتحدث فقط مجرد سلام، وأحيانًا بنهزر، محدش فاهمنا".
وأكد كريم فهمي: "ياسمين مثلي تعاني من اضطراب في فرط الحركة وتشتيت الانتباه، ممكن لو حضرتك بتكلميها في موضوع، غصب عنها ممكن دماغها تروح حتة تانية، وأنا كدا، فلابد أني أرجعها للموضوع تاني، هي برضه عندها فرط حركة رهيب، مبنعرفش نركز غير في اللي بنحبه، لو بنعمل حاجة بنحبها بنعملها على أكمل وجه".
