كشفت الفنانة بسمة بوسيل تفاصيل أولى تجاربها التمثيلية في فيلم "بيج رامي"، وتعاونها للمرة الأولى مع بطل الفيلم الفنان رامز جلال، والمقرر عرضه خلال الفترة المقبلة.
قالت بسمة بوسيل خلال لقائها مع برنامج "ET بالعربي": "التمثيل جه صدفة، ورامز جلال كان شايف إني المفروض أمثّل، لكني مكنتش شايفة ده خالص، وكان مصمم وقالي إني مينفعش ممثلش ومدليش فرصة إني أفكر، وبصراحة كنت خايفة لأنها حاجة جديدة عليَّ واتبسطت أوي".
وأضافت: "أنا بأثق في رامز جداً، والفيلم عاجبني، وهو للعائلة كلها، في الأول كنت لسة مش فاهمة التمثيل وكمان أنا بزهق أوي خاصة إنهم بيقعدوا ساعات طويلة يصوّروا، وبعد يومين المخرج إداني النقط المهمة ومفتاح التمثيل".
