كشف الممثل المصري أحمد العوضي، مشاركته في رمضان 2026، ضمن مسلسل "علي كلاي".
وقال العوضي:في بث مباشر، عبر فيس بوك، إن قصة المسلسل مُختلفة كثيراً عن جميع أعماله السابقة مضيفاً "المسلسل مختلف والقصة هتبقى جامدة، وأوعدكم القهاوي هتتكسر تاني والناس هتقعد في البيوت، وإن شاء الله تحبوا علي كلاي قد فهد البطل وعرب السويركي 100 مرة".
وتابع "هعملكم مسلسل هيبقى نمرة واحد، قصة المسلسل مختلفة تماماً، أنا بجتهد وسايب الباقي على ربنا".
وكشف العوضي، أنه سيؤدي دور مُلاكم، بقوله: "علي كلاي هيطلع جدع ويضرب الناس كلها عشان الحق، وهيكون ابن بلد".
ولفت العوضي، إلى أن نهاية مسلسله ستكون سعيدة بخلاف أعماله السابقة، مختتماً بالقول: "أوعدكم المرة دي النهاية تبقى كويسة، مش هعمل لكم نهاية صادمة زي كل مرة ".
